Visitors of our site need no introduction of this multifaceted, multi talented, multitasking personality. Here again he gathers one more feather into his already crowded cap.
Congratulations to Mr.Eric Soans Barkur on winning the Desh Bhakthi Geeth Rachana competition, organized by Akhil Bharathiya Konknni Sahithya Sangha, Goa on the occasion of India's 73rd Republic Day.
His 'Jai Bharatha' song was the winning song among the other four songs.
The prize distribution ceremony will be held on 4th February at Porvarim, Goa.
Song will be published in a book planned to be released at the same occasion.
Here we are happy to publish this song in both Kannada and Devnagari script for your reading pleasure.
ಮ್ಹಜ್ಯಾ ಭಾರತಾ....
ಜೈ ಭಾರತಾ, ಜೈ ಭಾರತಾ, ಜೈ ಭಾರತಾ,
ಮನ್ ಆಶೆತಾ, ಗಾಂವ್ಕ್ ಲಾಲೆತಾ, ತುಜಿ ಮಹಾನತಾ
ತುಜಿ ವೈವಿಧ್ಯತಾ, ತಾಂತ್ಲಿ ಏಕತಾ
ನಿಯಾಳ್ನ್ ಆತಾಂ, ಗಾಯ್ತಾಂ ಗಿತಾಂ
ಮ್ಹಜ್ಯಾ ಭಾರತಾ
1.ಹಿಮಾಲಯಾಚೆಂ ವಾರೆಂ ತೆಂ, ಕೇಸ್ ತುಜೆ ಉಬಯ್ತಾ
ಹಿಂದೂ ಮ್ಹಾದರ್ಯೊ ತೊ, ಪಾಂಯ್ ಮೊಗಾನ್ ಪೊಶೆತಾ
ಘೆವ್ನ್ ಭಯ್ಣ್ಯಾಂಕ್ ಸಾತ್ ಈಶಾನ್ಯಾಚ್ಯಾ
ಪಾಲವ್ ತುಜೊ ವಾರ್ಯಾರ್ ಧಲ್ತಾ
ಸಾಂಗಾತ್ ಮ್ಹಾರಾಶ್ಟ್ರ್-ಓದಿಶಾಚೊ
ಪೆಂಕ್ಟಾಪಾಟೊ ಜಾವ್ನ್ ಪರ್ಜಳ್ತಾ
ಕಛ್ ಆನಿ ಭುಜ್, ತುಜ್ಯಾ ಉಜ್ವ್ಯಾ ಹಾತಾಚಿಂ ಕಾಂಕ್ಣಾಂ,
ಬಾಂಗ್ಲಾ-ಜಾರ್ಝಂಡ್ - ದಾವ್ಯಾ ಹಾತಾಂ ಮುದಿಯೆ ಕಿರ್ಣಾಂ
ಘಲ್ಘಲ್ ನಾದ್ ಉಟಯ್ತಾತ್
ತ್ರಿಶೂರಾ'ನಿ ಮಧುರೈ
ಜಾವ್ನ್ ತುಜ್ಯಾ ಪಾಂಯಾಂಚಿಂ ಪಾಂಯ್ಜಣಾಂ
2.ಗಂಗಾ, ಯಮುನಾ, ಕೃಷ್ಣಾ, ಕಾವೇರಿ, ಬ್ರಹ್ಮಪುತ್ರಾ ಆನಿ ಗೋದಾವರಿ
ನ್ಹಂಯೊ ಪವಿತ್ರ್, ಪವಿತ್ರ್ ದೊಂಗೊರ್ ತುಜ್ಯಾ ಆಂಗಾರಿ
ಹಿಂದೂ ಜಿಣ್ಯೆಕ್ರಮಾಚೊ ತರ್, ತುಂ ವ್ಹಡ್ ಸಾಗೊರ್
ಬೌದ್ಧ್, ಜೈನ್, ಸಿಖ್ ಧರ್ಮಾಂಚೊ ತುಂ ಜಾಲಾಯ್ ಕುಳೆರ್
ಮುಸ್ಲಿಮ್ ಕ್ರಿಸ್ತಾಂವಾಂಚೇಯ್ ಬಾಳ್ ತುಜ್ಯಾ ಉಸ್ಕ್ಯಾರ್
ತ್ರಿವರ್ಣಾಂಕ್ ಮೊಗಾನ್ ಗುಂತುನ್ ಪರ್ಗಟ್ಲಾಯ್ ತುಂವೆಂ ಧರ್ಮಾಂಚೊ ಸಾರ್
ಮಹಾನ್ ವೆಕ್ತಿಂಕ್ ಜಲ್ಮ್ ದಿಲ್ಲೆಂ ಉದರ್ ತೆಂ ತುಜೆಂ
ಮಹಾನ್ ಸಂಸ್ಕೃತಿಂಚ್ಯಾ ಉಗಮಾಚೆಂ ಪಾಳ್ಣೆಂಯ್ ತುಜೆಂಚ್
ಭೌತಿಕ್ ಗಡಿಯೊ ಆಸಾತ್ ತರೀ, ಸಗ್ಳೆಂ ತೆಂ ವಿಸ್ರೊನ್
ಫಕತ್ 'ಭಾರತೀಯ್ ಹಾಂವ್' ಮ್ಹಣ್ಚೆಂ ವ್ಹಡ್ ಅದೃಶ್ಟ್ ಮ್ಹಜೆಂ
म्हज्या भारता....
जै भारता, जै भारता, जै भारता,
मन आशेता, गावंक लालेता, तुजी महानता
तुजी वैविध्यता, तांतली एकता
नियाळन आतां, गायतां गितां
म्हज्या भारता
१.हिमालयाचें वारें तें, केस तुजे उबयता
हिंदू म्हादर्यो तो, पांय मोगान पोशेता
घेवन भयण्यांक सात ईशान्याच्या
पालव तुजो वाऱ्यार धलता
सांगात म्हाराश्ट्र-ओदीशाचो
पेंकटापाटो जावन पर्जळता
कछ आनी भूज, तुज्या उजव्या हाताचीं कांकणां,
बांगला-जारखंड - दाव्या हातां मुदये किरणां
घलघल नाद उटयतात
त्रिशूरा-नी मधुरै
जावन तुजीं पांयांचीं पांयजणां
२.गंगा, यमुना, कृष्णा, कावेरी, ब्रह्मपुत्रा आनी गोदावरी
न्हंयो पवित्र, पवित्र दोंगर तुज्या आंगारी
हिंदू जिणयेक्रमाचो तर, तूं व्हड सागोर
बौद्ध, जैन, सीख धर्मांचो तूं जालाय कुळेर
मुसलीम क्रिस्तांवांचेय बाळ तुज्या उसक्यार
त्रिवर्णांक मोगान गुंतून पर्गटलाय तुंवें धर्मांचो सार
महान वेक्तिंक जल्म दिल्लें उदर तें तुजें
महान संस्कॄतींच्या उगमाचें पाळणेंय तुजेंच
भौतीक गडी आसात तरी, सगळें तें विसरोन
फकत 'भारतीय हांव' म्हणचें व्हड अदृश्ट म्हजें
- एरीक सोन्स बारकूर