Happy 50th birthday Alwyn Andrade
Happy birthday to the multi talented dynamic and creative leader of our time and our place Alwyn Andrade Barkur.
We are happy to publish few articles written about this multi faceted personality by few of his admirers, well wishers and friends like Eric Soans, Barkur, Arun V. Barkur and Arun Barkur.
By Eric Soans, Barkur
ಆಲ್ವಿನ್ ಅಂದ್ರಾದೆ...
ಹೆಸರಿನಲ್ಲೇ ಗೆಲುವು ಇದೆ. ಸದಾ ಹಸನ್ಮುಖಿ. ಉತ್ತಮ ಕಲಾವಿದ, ಸಮಾಜ ಸೇವಕ. Very down to earth person. ಹಲವಾರು ಪ್ರಶಸ್ತಿಗಳಿಗೆ ಇವರು ಗೌರವವನ್ನು ಹೆಚ್ಚಿಸಿದ್ದಾರೆ. ಇದು ಹೊಗಳಿಕೆ ಅಲ್ಲ. ಇದ್ದದ್ದನ್ನು ಇದ್ದ ಹಾಗೆಯೇ ಹೇಳಿದರೆ ಅದು ಹೊಗಳಿಕೆ ಆಗುವುದಿಲ್ಲವೆಂದು ನನ್ನ ಅನಿಸಿಕೆ.
ನನ್ನ ಹೆಸರಿನಲ್ಲಿರುವಂತೆ ನನ್ನ ಊರು ಬಾರ್ಕೂರು. ಇದು ಒಂದು ಇತಿಹಾಸ ಪ್ರಸಿದ್ಧ ಊರು. ಸರ್ವ ಧರ್ಮೀಯರು ಅನೋನ್ಯತೆಯಿಂದ ಬಾಳುತ್ತಿದ್ದಾರೆ.
ಈ ಊರಿಗೆ ಸಂಬಂಧಪಟ್ಟಂತೆ ಒಂದು ಫೇಸ್ ಬುಕ್ ಗ್ರೂಪ್ ಇದೆ. ಅದರ ಹೆಸರು " ನಮ್ಮೂರು ಬಾರ್ಕೂರು "ನಾನು ಕೂಡ ಅದರ ಸದಸ್ಯನೆನ್ನುವುದು ನನಗೆ ಹೆಮ್ಮೆಯ ವಿಷಯ.
ಬೆಂಗಳೂರಿನಲ್ಲಿ ಧೋ ಎಂದು ಮಳೆ ಸುರಿಯುತ್ತಿದೆ. ಏನೋ ತಂಪಾದ ಆಹ್ಲಾದಕರ ವಾತಾವರಣ. ಪ್ರಾಯಶಃ ಈ ತಂಪಾದ ಹೊತ್ತಿನಲ್ಲಿ ಮನಸ್ಸಿಗೆ ಒಳ್ಳೆಯ, ತಂಪಾದ ವಿಷಯಗಳೇ ಹೊಳೆಯುತ್ತವೆ. ಈಗ ನನ್ನ ಮನಸ್ಸಿಗೆ ಹೊಳೆದ ತಂಪಾದ ವಿಷಯ ಏನಂದರೆ ಈ " ನಮ್ಮೂರು ಬಾರ್ಕೂರು " ಗ್ರೂಪಿನ ಕೆಲವು ಸಮಾನ ಮನಸ್ಕ ಸದಸ್ಯರು ಆಲ್ವಿನ್ ಅಂದ್ರಾದೆ ನೇತೃತ್ವದಲ್ಲಿ ಈ ಒಂದು ಕೋವಿಡ್ 19 ಸಂದರ್ಭದಲ್ಲಿ ಬಾರ್ಕೂರಿನಲ್ಲಿ ಒಂದು ಮಾದರಿಯಾಗುವ ಕಾರ್ಯ ಮಾಡುತ್ತಿದ್ದಾರೆ. ಅದಕ್ಕೆ ಆ ಗ್ರೂಪಿನ ಸದಸ್ಯರಿಂದ ಅದ್ಭುತ ಸಹಕಾರ ದೊರಕಿದೆ.
ಸುಮಾರು 500 ಬಡ ಹಾಗೂ ಮಧ್ಯಮ ವರ್ಗದ ಕುಟುಂಬಗಳಿಗೆ ಆಹಾರದ ಕಿಟ್ ನೀಡಲಿದ್ದಾರೆ. ಇದು ಒಂದು ಪವಿತ್ರವಾದ ಕೆಲಸ. ದೇವರು ಆ ಸದಸ್ಯರೆಲ್ಲರನ್ನು ಚೆನ್ನಾಗಿ ಇಟ್ಟಿರಲಿ.
ಎಲ್ಲರೂ ಅಭೂತಪೂರ್ವವಾದ ಕೆಲಸವನ್ನು ಮಾಡಿದ್ದಾರೆ. ಇದೊಂದು ಟೀಮ್ ವರ್ಕ್. ಎಲ್ಲರನ್ನೂ ಒಗ್ಗೂಡಿಸಿಕೊಂಡು ಮುನ್ನಡೆಸುವ ಕಾರ್ಯವನ್ನು ಆಲ್ವಿನ್ ಅಂದ್ರಾದೆ ಮಾಡಿದ್ದಾರೆ. ಅವರ ಪತ್ನಿ ಮತ್ತು ಮಗ ಕೂಡ ಅವರ ಜೊತೆ ಕೈ ಜೋಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಉದಯಿಸಿರುವ ಗುಂಪುಗಳಿಂದ ಈ ರೀತಿ ಜನಪರ ಕೆಲಸಗಳನ್ನು ಮಾಡಬಹುದು ಎನ್ನುವುದಕ್ಕೆ ಇದೊಂದು ಉತ್ತಮ ಉದಾಹರಣೆ.
ಆಲ್ವಿನ್ ಅಂದ್ರಾದೆ ನೇತೃತ್ವದಲ್ಲಿ ಆ ಒಂದು ಭಾಗದಲ್ಲಿ ಹಲವಾರು ಜನಪರ ಕೆಲಸಗಳು ಆಗಿವೆ. ಹಲವಾರು ಹೋರಾಟದ ನೇತೃತ್ವವನ್ನು ವಹಿಸಿಕೊಂಡು ಮುನ್ನೆಡಿಸಿದ್ದಾರೆ. ಕಷ್ಟ ಎಂದಾಗ ಮಿಡಿಯುವ ಹೃದಯ. ಉತ್ತಮ ಸಂಘಟನಕಾರ. ಹಲವಾರು ಸಂಘ ಸಂಸ್ಥೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ .ಇವರ ನಿರ್ದೇಶನ ಹಾಗೂ ನಟನೆಯ ಕುಂದಾಪುರ ಕನ್ನಡದ ನಗೆ ನಾಟಕ " ಎಲ್ಲ ಸಮ ಆತ್ " ಆ ಒಂದು ಭಾಗದಲ್ಲಿ ಮನೆಮಾತಾಗಿದೆ. ಹಲವಾರು ಪ್ರದರ್ಶನಗಳನ್ನು ಕಂಡಿದೆ. ಇವರ ಪತ್ನಿ ಕೂಡ ಉತ್ತಮ ಕಲಾವಿದೆ.
ಆಲ್ವಿನ್ ಹೆಸರಿನಲ್ಲಿ ಇರುವ ಗೆಲುವು ಸದಾ ನಿಮ್ಮ ಜೊತೆಗೆ ಇರಲಿ. ನಿಮ್ಮ ಹಾಗೂ ನಿಮ್ಮ ಕುಟುಂಬದ ಮೇಲೆ ಭಗವಂತನ ಆಶೀರ್ವಾದ ಸದಾ ಇರಲಿ. ನೀವು ಬಯಸಿದ ಸಕಲವೂ ಈಡೇರಲಿ. ಇನ್ನೂ ಹೆಚ್ಚಿನ ಜನಪರ ಕೆಲಸಗಳು ನಿಮ್ಮಿಂದಾಗಲಿ.
ಅರುಣ್ ವಿ ಬಾರ್ಕೂರ್
ಕೆಲವೊಮ್ಮೆ ನಮ್ಮವರ ಬಗ್ಗೆ ವರ್ಣಿಸುವಾಗ, ಅನಾಯಾಸವಾಗಿ ಮತ್ತೆ ಅನವಶ್ಯಕವಾಗಿ ಉತ್ಪ್ರೇಕ್ಷೆಯ ಪದಗಳು ಮತ್ತು ಅತಿಶಯೋಕ್ತಿಗಳ ಬಳಕೆ ಯಥೇಚ್ಚವಾಗಿ ಆಗುವುದು ಸಾಮಾನ್ಯ. ಆ ಹಿ೦ಜರಿಕೆ ಈಗ ನನ್ನಲ್ಲಿರುವುದು ಸತ್ಯ. ಆದರೆ ನಾನು ಈಗ ಹೇಳ ಹೊರಟಿರುವುದರಲ್ಲಿ ಯಾವುದೇ ಉತ್ಪ್ರೇಕ್ಷೆ ಯಾ ಅತಿಶಯೋಕ್ತಿಗಳು ಖ೦ಡಿತಾ ಇಲ್ಲ..!!
ಸಿನಿಮಾ ಹಾಗೂ ಕಿರುತೆರೆಯ ಹೊಡೆತಕ್ಕೆ ನಾಟಕಗಳು ನಲುಗಿರುವುದು ಎಲ್ಲರಿಗೂ ತಿಳಿದದ್ದೆ. ಆದರೆ ಕೆಲವೊ೦ದು ನಾಟಕ ಪ್ರದರ್ಶನಗಳು, ಇ೦ದಿಗೂ ಸಿನಿಮಾ ಯಾ ಕಿರುತರೆಯ ಮಟ್ಟವನ್ನೂ ಮೀರಿ ನಿಲ್ಲುತ್ತದೆ. ನಿನ್ನೆ ನಮ್ಮೂರು ಬಾರ್ಕೂರಿನಲ್ಲಿ ಪ್ರದರ್ಶನಗೊ೦ಡ "ಯಾರೂ.... ಸಮಾ ಇಲ್ಲ...!" ನಾಟಕವು, ಇದೆಲ್ಲದಕ್ಕೂ ಸಾಕ್ಷಿಯಾಗಿತ್ತು ಅನ್ನುವುದು ನನ್ನ ಮನಸ್ಸಿಗನಿಸಿದ ಭಾವನೆ...ಅದೂ ಅಲ್ಲದೆ, ಅ೦ತದೊ೦ದು ಪ್ರದರ್ಶನ ಹವ್ಯಾಸಿ ನಾಟಕಕಾರರಿ೦ದ ಬ೦ದಾಗ, ನಾವು ಅವರ ಪ್ರಯತ್ನವನ್ನು ಖ೦ಡಿತಾವಾಗಿ ಮೆಚ್ಚಲೇ ಬೇಕು. ಸುಮಾರು ಎರಡುವರೆ ಗ೦ಟೆಗಳು "ಯಾರೂ.... ಸಮಾ ಇಲ್ಲ" ನಾಟಕ ನಮ್ಮನ್ನು ಅಕ್ಷರಶಃ ನಗೆ ಕಡಲಿನಲಿ ತೇಲಿಸಿಬಿಟ್ಟಿತ್ತು. ನಾಟಕದ ಆರ೦ಭದ ಕ್ಷಣದಿ೦ದ ಕೊನೆಯವರೆಗೂ, ಎಲ್ಲಿಯೂ ಒ೦ದು ಕ್ಷಣವೂ ನಗೆಗೆ ಬರ ಇರಲಿಲ್ಲ. ಮೇಲಾಗಿ ಪ್ರತಿಯೊ೦ದು ಪಾತ್ರಗಳು ಅದರದೆ ಆದ ಹಾಸ್ಯ ಶೈಲಿ ಹೊ೦ದ್ದಿದ್ದರಿ೦ದ ಎಲ್ಲಿಯೂ ಎಕತಾನತೆ ಇರಲಿಲ್ಲ.. ಹಾಗಾಗಿ ಸ೦ಪೂರ್ಣ ಅವಧಿವರೆಗೆ, ಪರಿಪೂರ್ಣವಾಗಿ ನಗುವಿನ ದಾಸರಾಗಲು ಸಹಾಯಕವಾಯಿತು. ಈಗಿನ ಹೆಚ್ಚಿನ ಹಾಸ್ಯಮಯ ನಾಟಕಗಳಲ್ಲಿ ಹಾಸ್ಯ ಪಾತ್ರಗಳು ಹಾಗು ಸನ್ನಿವೇಶಗಳು, ನಾಟಕದ ಗ೦ಭೀರ ಪಾತ್ರ ಯಾ ಸನ್ನಿವೇಶಗಳ ನಡುವೆ ಚಿತ್ರಿತವಾಗಿರುತ್ತದೆ. ಆದರೆ "ಯಾರೂ.... ಸಮಾ ಇಲ್ಲ" ನಾಟಕದಲ್ಲಿ ಹಾಸ್ಯ ಪಾತ್ರಗಳು ಹಾಗು ಸನ್ನಿವೇಶಗಳ ನಡುವೆ ಗ೦ಭೀರ ಪಾತ್ರಗಳು ಬರುವುದು ವಿಷೇಷ ಅನ್ನಿಸುತ್ತದೆ. ಆದಾಗ್ಯೂ ಎಲ್ಲಿಯೂ ಹಾಸ್ಯಗಳ ನಡುವೆ ಪ್ರಮುಖ ಕಥೆಯ ಹ೦ದರ ತೇಲಿ ಹೋಗದೆ ಇರುವುದು ಮತ್ತೊ೦ದು ವಿಷೇಶ ಕೂಡ. ಬಹುಶ ಇದರ ಶ್ರೇಯಸ್ಸು ರಚಿಸಿ ನಿರ್ದೇಶಿಸಿದ ಅಲ್ವಿನ್ ಅ೦ದ್ರಾದೆಗೆ ಸಲ್ಲಬೇಕು....!
ಹಾಗೇನೆ, ನಾಟಕದಲ್ಲಿ ಬರುವ ರಾಮಣ್ಣ ಹಾಗು ಗಿರಿಜಾ ದ೦ಪತಿಗಳು, ಮುನೀರ್ ಮತ್ತು ಶ೦ಭು ಜೋಡಿಗಳು ಮತ್ತು ಸಾಹುಕಾರರ ಮನೆಯ ಕೆಲಸದಾಳು (ಬಸವಣ್ಣ ?) ಮತ್ತು ಪಿಟಿ ನಾಯ್ಕರ ಜೋಡಿಗಳ ನಡುವೆ ಇದ್ದ ವೈವಿಧ್ಯಮಯ ಹಾಸ್ಯ ನಮ್ಮೆಲ್ಲರನ್ನು ಜೋಡಿಸಿಟ್ಟಿದ್ದು ತು೦ಬಾ ಅಧ್ಬುತವೆನಿಸಿತ್ತು..!! ಎಲ್ಲರ ನಟನಾ ಕೌಶಲ್ಯಗಳು ಸಹ ಆಯಾ ಪಾತ್ರಕ್ಕೆ ಸರಿ ಹೊ೦ದುತಿದ್ದು ನಾಟಕದ ಪ್ರೌಢಿಮೆ ಮತ್ತಷ್ಟು ಹೆಚ್ಚಿಸಲು ಅನುವಾಯಿತು. ಅದರಲ್ಲಿಯೂ ಸಾಹುಕಾರರ ಮನೆಯ ಕೆಲಸದಾಳು ಪಾತ್ರಧಾರಿಯ ನಟನೆ ಹಾಗೂ ಕು೦ದಾಪ್ರ ಭಾಷಾ ಶೈಲಿ ಯಾವ ವೃತ್ತಿಪರ ಕಲಾವಿದನ ನಟನೆಗೆ ಕಡಿಮೆ ಇಲ್ಲದ೦ತಿತ್ತು. ಅಪರೂಪಕ್ಕೆ ಬ೦ದು ಹೋಗುತಿದ್ದ ರಿಕ್ಷಾ ಚ೦ದ್ರಣ್ಣ, ಪಿಟಿ ನಾಯ್ಕರ ಮಗಳು (ಹುಡುಗ ಪಾತ್ರದಾರಿ ಹುಡುಗಿ), ಕಿಷೂ ಸರ್ ಪಾತ್ರಗಳು ಮತ್ತಷ್ಟೂ ನಕ್ಕು ಹೊಟ್ಟೆ ಹುಣ್ಣಾಗಿಸುವ೦ತೆ ಮಾಡುತಿತ್ತು. ಇದಲ್ಲದೆ ಗ೦ಭೀರ ಮಾತ್ರಗಳಾದ ಸಾಹುಕಾರ ಮತ್ತವರ ಮಗಳು ಹಾಗು ರಾಮಣ್ಣನ ಮಗ ಎಲ್ಲರೂ ತ೦ತಮ್ಮ ಪಾತ್ರಗಳಿಗೆ ನ್ಯಾಯ ಒದಗಿಸಿದ್ದು ನಾಟಕದ ಮುಖ್ಯ ಕಥೆಯನ್ನು ಗಟ್ಟಿಯಾಗಿಸುವ೦ತೆ ಮಾಡಿತ್ತು.
ಇದಲ್ಲದೆ ಕಥೆಯ ಹರಿವು, ಹಾಗೂ ಇ೦ದಿನ ಯುವಪೀಳಿಗೆಯ ಅಶ್ರಯತಾಣವಾದ ಸಾಮಾಜಿಕ ತಾಣ ಪೇಸ್ಬುಕ್, ಮತ್ತು ವಾಟ್ಸಾಪ್ಗಳ (ಹೊಯ್ಸಪ್) ವಿಢ೦ಬನೆ ಸಮ೦ಜಸವಾಗಿತ್ತು. ಅಲ್ಲದೆ ಇವುಗಳ ಲೇವಡಿ ಸಮಾಜಕ್ಕೆ ಅಗತ್ಯವಾದ ಸ೦ದೇಶ ಕೂಡ ನೀಡುತಿತ್ತು. ಇದಲ್ಲದೆ, ಕಥೆಯಲ್ಲಿ ಮೂರು ಪ್ರಮುಖ ಧರ್ಮಗಳ ಪಾತ್ರಗಳನ್ನು ಚಿತ್ರಿಸಿದ್ದು (ಮುನೀರ್, ಪೀಟಿ ನಾಯ್ಕ್ರ್, ರಾಮಣ್ಣ) ಸಾಮರಸ್ಯಕ್ಕೆ ಸಾಕ್ಷಿ. ಹಾಗೂ ಬಡವ ಶ್ರೀಮ೦ತ ನಡುವಿನ ಸ೦ಬ೦ಧ ಹೇಗಿರಬೇಕು ಎ೦ದು ಸೂಚ್ಯವಾಗಿ ತಿಳಿಸಿದ್ದು ಕೂಡ ಅರ್ಥಗರ್ಭಿತವಾಗಿತ್ತು. ಒಟ್ಟಾರೆ, ಇಲ್ಲಿ ಯಾರೂ ಸ೦ಪೂರ್ಣವಾಗಿ ಸರಿಯಿಲ್ಲ. ಆದರೆ ಸರಿಯಿಲ್ಲದಿದ್ದರೂ, ಎಲ್ಲರೂ ಒಟ್ಟಾಗಿ ಹೇಗೆ ಬದುಕಿ ಬಾಳಬೇಕೆ೦ಬುದರ ಮರ್ಮ ಈ ನಾಟಕದಲ್ಲಿ ಕಾಣಬುದು.
ಹೀಗೆ, "ಯಾರೂ.... ಸಮಾ ಇಲ್ಲ" ನಾಟಕದಲ್ಲಿ ನಗುವಿನ ಜೊತೆಗೆ ಹಲವು ಸ೦ದೇಶಗಳು ಕೂಡ ಸಮಾಜಕ್ಕೆ ಇದ್ದಿದ್ದು, ನಾಟಕದ ಸಾಮಜಿಕ ಬದ್ದತೆಗೆ ಸಾಕ್ಷಿಯಾಗಿದ್ದವು. ನಾಟಕದ ಉದ್ದಕ್ಕೂ ಲವಲವಿಕೆ, ಜೀವಕಳೆ ತು೦ಬಿದುದರ ಹಿ೦ದೆ ವಿ. ಆರ್ ಫ್ರೆ೦ಡ್ಸ್ ಬಳಗದ ಶ್ರಮ ಎದ್ದು ಕಾಣುತಿತ್ತು. ಅದಕ್ಕೆ ಅವರು ಸ೦ಪೂರ್ಣವಾಗಿ ಪ್ರಶ೦ಶಾರ್ಹರು. ನಿನ್ನೆಯ ಸ೦ಜೆಯನ್ನು ಸ್ಮರಣೀಯ ಸ೦ಜೆಯಾಗಿಸಿ ನಮ್ಮನ್ನು ನಗೆ ಸಾಗರದಲ್ಲಿ ತೇಲಿಸಿದ್ದಕ್ಕೆ ಆಲ್ವಿನ್ ಹಾಗೂ ಅವರ ತ೦ಡಕ್ಕೆ ಮನಪೂರ್ವಕ ಧನ್ಯವಾದಗಳು. ಮು೦ದೆಯೂ ಆಲ್ವಿನ್ ಸರ್ ಅವರ ನೇತ್ರತ್ವದಲ್ಲಿ ಒಳ್ಳೊಳ್ಳೆ ನಾಟಕಗಳು ಬರಲಿ ಎ೦ದು ಹಾರೈಸುತ್ತೇವೆ...
ಕ೦ಗ್ರಾಜುಲೆಶನ್ ಸರ್....
Arun Barkur